దత్తప్పగూడెం వద్ద లారీ–డీసీఎం ఢీ
- క్యాబిన్లలో ఇరుక్కున్న ఇద్దరు డ్రైవర్లు
- ఇద్దరి పరిస్థితి విషమంగా ఉన్నట్లు సమాచారం
- ప్రమాదంతో హైవేపై నిలిచిపోయిన వాహనాల రాకపోకలు
- పూర్తి వివరాలు తెలియాల్సి ఉంది
తొలివెలుగు, మోత్కూరు: యాదాద్రి భువనగిరి జిల్లా మోత్కూరు మండలం దత్తప్పగూడెం సమీపంలో హైవేపై ఆదివారం ఘోర రోడ్డు ప్రమాదం చోటుచేసుకుంది. ఎదురెదురుగా వస్తున్న లారీ, డీసీఎం వాహనాలు బలంగా ఢీకొన్నాయి.
ఈ ప్రమాదంలో రెండు వాహనాల డ్రైవర్లు క్యాబిన్లలో ఇరుక్కుపోయినట్లు సమాచారం. ప్రమాద తీవ్రతతో ఇద్దరు డ్రైవర్ల పరిస్థితి విషమంగా ఉన్నట్లు తెలుస్తోంది. సమాచారం అందుకున్న వెంటనే సంబంధిత అధికారులు, స్థానికులు సంఘటనా స్థలానికి చేరుకుని సహాయక చర్యలు చేపట్టినట్లు సమాచారం.
ప్రమాదానికి సంబంధించిన పూర్తి వివరాలు, క్షతగాత్రుల వివరాలు తెలియాల్సి ఉంది. ప్రమాదానికి గల కారణాలపై అధికారుల విచారణ అనంతరం స్పష్టత వచ్చే అవకాశం ఉంది.
